媒體報導：全港首個榴槤放題》豪運2.8噸榴槤 $450食盡五款馬拉矜貴品種 / 壹週 Plus

媒體報導：全港首個榴槤放題》豪運2.8噸榴槤 $450食盡五款馬拉矜貴品種
壹週 Plus / 2016-08-10

香港人識飲識食，放假更喜歡相約好友嘆吓放題。不過日本放題就食得多，榴槤放題唔知你又試過未呢？

網上一個名為「榴槤 BB」的 Facebook 專頁，最近就舉辦了全港第一次「任食榴槤品鑑 Party」，參加者可以一次過食到五種產自馬來西亞嘅貴價榴槤。當中包括港人至愛貓山王，仲有全球首次發佈嘅新品種純種老樹 (888)。

主辨單位今次一共搞咗 5 場，有成 300 人參加，每位索價 450 港元。雖然價錢絕對唔係平，但名額仍火速爆滿。

負責人 KK 就話今次一共準備咗 2.8 噸榴槤，即 1800 個，預咗每個參加都可以食到6個：「我見香港人最鍾意嘅貓山王她多都出口曬去新加坡，我哋食嗰好多都係俾人揀淨，所以就想入口啲靚嘢俾香港人食。今次呢個活動係全港亦係全世界第一個榴槤 Party，我哋都係收返場租錢。」

KK 仲話好難租場搞活動：「真係好難搵，係非常難搵。好多人一聽到榴槤就耍手擰頭，怕陣味留咗喺餐廳唔知點算。我哋搵咗一兩個星期，都搵咗三四十間。」

閱讀全文：
屏幕截圖
原文出處

更多
~ 媒體報導 ~